PERINGETAN DARI TEMPO DOELOE.
alamken laen dari kadjengkelan, karoegian dan kasedihan. Jang besaran, koetika dikirim ka Europa boeat beladjar djadi ingenler, telah oendjoekkarojalan loear biasa lantaran tergila-gila pada nona-nona bangsa Europa sedeng peladjarannja tida bisa madjoe dan achirnja meninggal di Parijs lantaran kabanjakan minoem alkohol. Poetranja jang moeda'an, jang tabeatnja angin-anginan, poen telah meninggal dalem oesia moeda lantaran katjilaka'an auto, jang ia biasa kandarin seperti terbang. Kasoedahannja sekarang, dalem oesia toea, boleh dibilang Tham Tjay hidoep sendirian, kerna iapoenja soedara dan soedari samoea soedah lama meninggal, dan marika poenja anak-anak, jang tinggal terpisah di tempat-tempat djaoe, tida perna bikin perhoeboengan padanja, kerna ia tida soeka tjampoer atawa ambil poesing oeroesan dari familienja.
Begitoelah itoe soedagar jang pinter tjari doeit dan sekarang dalem oesia toea bisa mengaso dengen hatsil tjoekoep dan kaliatannja hidoep senang, sabenernja tida ada begitoe beroentoeng seperti jang kabanjakan orang ada kira. Maski kaja dengen oewang, ia ada miskin dalem persobatan dan katjinta'an familie, malah roedin betoel-betoel dalem pengartian batin atawa karohanian, serta pengataoeannja sanget gelap, tjoepet dan bodo dalem hal mentjari kasenangan dan penghiboeran batin atawa lahir.
Inilah ada kasoedahan dari iapoenja kabiasa'an hidoep, jang meloeloe ditoedjoeken boeat bekerdja mentjari kaoentoengan dan koempoel kakaja'an, zonder berpaling ka kanan kiri, tida perdoeliken segala apa. Dengen concentreer atawa koempoel antero pikiran kapada satoe toedjoean sadja, memang orang bisa sampeken
