PERINGETAN DARI TEMPO DOELOE
maksoednja — biarpoen jang bagimana kouwkati—dengen beshatsil bagoes; tetapi di sabelahnja kaoentoengan jang didapet dari ini djalan, orang alamken djoega karoagian jang sama besarnja lantaran kailangan berkah dan kabaekan, pengalaman dan pengartian, jang bisa didapet dari banjak soember-soember laen jang ia soedah tida maoe perdoeli dan perhatiken. Memang betoel, menoeroet pemandangannja golongan jang oetamaken kabatinan, semingkin banjak orang taro perhatian pada pakerdja'an dan oeroesan doenia, semingkin besar karoewetan dan gontjangan jang dialamken. Tapi boeat saorang jang tjoemah toemplakin ingetannja pada oeroesan kadoenia'an sabagi Tham Tjay, itoe toedjoean jang tjoemah satoe hanja membikin tertoetoep soeloeran boeat simpangin aliran dari pikirannja ka laen djoeroesan jang mendjadi samatjem imbangan, jaitoe kapan tindesan jang satoe dirasaken terlaloe berat, ada laen apa-apa jang memberi karinganan. Oepamanja, samoea orang soedah mengarti, bahoea pertanggoengan boeat rawat familie ada amat berat dan seringkalih mendjadi satoe iketan jang mendjengkelken. Tapi boekan djarang satoe soeami jang lagi kesel, poesing, dan bingoeng, dapet bantoean dan hiboeran dari istrinja, dan satoe ajah jang tertindes nasif boeroek hingga poetoes asa, dapet tenaga dan kagiatan hingga bisa tahan segala kasoekerannja dengen gagah, kerna ada taro harepan pada anak-anaknja. Lantaran begitoe, maskipoen itoe beban jang menindes oenghidoepan dari kabanjakan orang tida boleh dibilang ringan, masih bisa djoega ditahan dengen kaliatannja tida terlaloe tjilaka, malah banjak jang bisa merasa girang dan poeas dengen nasifoja itoe. ini samoea ada
7
