— 5 —
Barones bongkoki badannja, kamoedian lantas berlaloe dari itoe kamar.
Sekarang tinggallah si tjilaka itoe sendirian, dalem kamarnja di astana kota Laeken. Kamar itoe dihiasi sederhana sekali, tapi ada menoeroet satjara bangsawan. Dan di sitoelah permeisoeri dari karadjahan Belgie rebaken dirinja diatas satoe divan, sembari menoetoepi moeka dengen kadoewa bahoe tangannja.
Ia bersedoe-sedoe, seraja berkata dengen soeara poetoes-poetoes:
O, Alah, A . . . lah! ka . . . soe . . . sa . . . han ini, a . . . da . . . lah ter . . . la . . . loe berat aken a . . . koe pi . . . koel le . . . bi la . . . ma la . . . gi! Ka . . . sia . . . ni a . . . koe, am . . . poe . . . ni . . . lab pa . . . da . . . nja!”
Ia tjoba lagi boeat loepaken samoewa perkara, soepaja bisa dapet sedikit mengasoh dari itoe pikoelan berat, jang berada atas toeboe dan anggotanja, tapi . . . siasia!
Pikiran mengeri sanantiasa dateng poelah padanja, maski poen ia maoe trima atawa tida. Rasa kaget sabentar-bentar balik menggoda, seperti adanja kabar kawat mengetok-ngetok hatinja, mengoetaraken ka-
