— 6 —
tjilakahan haibat sekali, jang ia tida nanti sanggoep pikoel dengen tida bergoemeter sa’antero toeboe!
Doeloe, bagimana broentoeng ia pernah dapet pengrasahan, tatkalah ia moendar-mandir di djalanan Brussel, dengen terpimpin oleh satoe anak moeda jang bersingkap gaga. Itoe waktoe bagimana ia rasaken santausa bagi dirinja, apabilah ia djalan berėndeng dengen itoe orang jang tjakap, pada siapa sembarangan waktoe ia boleh harep perlindoengannja. Dan bagimana ia rasaken tjinta pada itoe anak moeda, itoe hertog van Brabant, jang sanantiasa ia boleh memanggil dengen goenaken perkatahan soeami.
Soeami itoe sekarang telah mendjadi radja. Dan alangkah girangnja, koetika ia melahirken satoe anak, satoe poetra, jang kamoedian nanti menggantiken ajahnja, memake makota karadjahan Belgie.
Kaloe maoe ditilik dengen benar, memang boleh ditentoeken, ia ada menjinta djoega pada tiga anak prampoeannja, aken tetapi jang paling mendjadi boewa hatinja, jalah poetra makota sendiri.
Roepanja ada banjak sekali mirip sama ajahnja, dan boleh djadi lantaran ini, jang
