-410-
besar. Begitoelah adatnja doenia, jang tida nanti bisa dibikin baek kombali!
Hal harta peninggalannja Sri Maha Radja Leopold II, sampe di itoe waktoe masi belon dapet kaberesan.
Tempo baginda wafat, ada didapetken oewang contant dan kertas-kertas berharga sadjoembla 20 millioen frank.
Auto-auto dan koeda kreta, itoe auto bagoes, jang baginda dalem tempo paling blakang soeka pakeh boeat pasiar koeliling, samoea dibelih oleh Sri Maha Radja Albert.
Jang paling taroetama djadi perkara tjidra, jalah hal oewang 30 millioen, jang baginda telah kasi masoek dalem peroesahan, jang dinamaken Niederfullbacher Stichting. Oewang itoe ada miliknja Congo-staat, dan oleh kerna itoe djadjahan sekarang telah djadi kapoenjahannja karadjahan Belgie, traoesa ditjeritaken lagi jang itoe Niederfullbacher Stichting djoega misti brikoet bersama-sama.
Sekarang hakim misti bri poetoesan antara karadjahan Belgi dan poetri-poetri Radja Leopold Barangkali djoega tida satoe antara itoe doewa fihak nanti dapet kamenangan, tapi samoea misti djato djadi miliknja itoe peroesahan terseboet, jang telah
