-411-
digraki oleh baginda almarhoem boeat diriken astana-astana.
Prinses Stephanie, begitoe djoega Prinses Clémentine, sigra njataken, iaorang tentoe nanti melepasken, apa jang bisa dihoendjoek dengen terang, ada djadi miliknja karadjahan. Tapi dalem hal ini pemerenta ada amat soesa mengoendjoeki boekti, kerna Radja Leopold soeda soeroe bakar samoea soerat-soerat, jang ada berhoeboeng dengen itoe perkara.
Pembrian tiga millioen, jang pameranta kaloeari lebi doeloe aken goenanja Prinses Clémentine, telah banjak dapet bantahan di soerat-soerat kabar. Tida ada dihoendjoek, oewang itoe dengen sasoenggoenja misti djadi kapoenjahannja poetri, lantaran mana, hal kaloeari itoe oewang, orang anggap ada klakoean jang terlaloe menggampangken.
Lebi djaoe, Prinses Clémentine maoe dapet kapatoetan sampe tjoekoep dari ia poenja milik.
Jang tida maoe kenal watas, jalah Prinses Louise.
Tetap pegang perkatahannja: tida aken moendoer saoedjoeng ramboet, poetri itoe laloe moelahi bikin perlawanan pada kara-
