-409-
Antero karahajatan Belgie merasa amat girang, dan harepi, poetrinja nanti dapet peroentoengan baek. Tali nikah, jang hoeboengken doewa orang itoe djadi satoe, mendapet satoedjoe dari doewa fihak koelawarga, hingga dari sana sini pasangan itoe banjak menerima pembrian selamat.
Djoega Caroline Delacroix dan Durieux soeda menikah.
Itoe lelaki, jang soeda bisa merasa baek, katjintahannja mendjadi kekasih Sri Maha Radja Belgie, sekarang ini rasa amat broentoeng, mempoenjahi oewang joetahan, jang didapet dari meramken mata, orang oesik kahormatannja.
Di Frankrijk, dalem marika poenja astana jang sanget indah, kadoewa orang itoe bersenang-senang sabagi soeami-istri, dan kenjot sabrapa iaorang koewat, madoe penghidoepan di doenia.
Berlaloe lagi sapoeloe tahon, tida saorang nanti brani salahken pada itoe lelaki, jang soeda ridlah serahken samentara waktoe ia poenja katjintahan, malaenken boeat dapet oewang joetahan. Orang nanti bongkoki badan boeat itoe orang hartawan, dan tida nanti tanja, dari mana ia soeda bisa dapet kakajahan jang berdjoemblah begitoe
