-408-
wang dan kasi bebrapa lembar oewang kertas pada itoe toekang klontong, seraja berkata:
„Ambillah ini sariboe frank. Kaoe boleh belih laen barang dagangan, dan dateng esok padakoe, kamoedian kita nanti bitjara lebi djaoe. Inilah akoe poenja nama dan tempat tinggal! Apa sekarang kaoe soeda merasa koewat lagi boeat berdjalan?"
„Kaloe perloe, akoe nanti bisa lari djoega! O, biarlah Alah memberkati padamoe, jang berhati begitoe baek!"
Durieux soeroe chauffeur brentiken auto, dan toekang klontong itoe laloe toeroen, kamoedian meliati kandaran jang berlaloe sabagi ada dalem impian.
„Ha!" kata Durieux. Itoe ada oewang ajahnja sendiri, jang akoe goenaken boeat menoeloeng padanja! Sedikitnja, biarlah ia merasaken djoega harta peninggalannja Sri Baginda!"
XXIX.
Satengah tahon telah berlaloe lagi dengen tjepat.
Prins Victor Napoleon dan Prinses Clémentine, plahan-plahan kasi njata iaorang poenja katjintahan.
