-407-
minggat dari tempat akoe menoempang, dan maski poen masi beroemoer moeda, akoe laloe djadi soldadoe. Tapi djoega itoe akoe tida bisa tahan. Atoeran jang mewadjibken akoe ada terlaloe keras . . . . . akoe minggat lagi. Tentoe sadja akoe dapet hoekoeman, dan moelahi itoe waktoe, akoe bentji samoea perkerdjahan. Demikianlah akoe djadi seperti sekarang: loentang-lantoeng djalan mengemis. Oewang jang akoe dapet, akoe belihi barang-barang, dan dagangken itoe boeat djadi akoe poenja panghidoepan. Tapi sekarang misti hilang djoega milikkoe itoe! Boeat apatah lagi akoe hidoep di doenia? Boeat apa lagi? Ah, tjoba tadi kaoe tinggali akoe mati di djalanan, ada lebi baek salaksa kali!"
Kamoedian ia laloe bersedoeh-sedoeh seperti anak ketjil, hingga, kendati Durieux tida gampang dapet rasa kasian, tida loepoet hatinja terharoe djoega.
„Diam," kata itoe toewan hartawan, „akoe nanti toeloeng padamoe. Sabagimana si kolot soeda siasiaken kaoe. Akoe nanti tjoba bikin baek kaoe poenja peroentoengan."
Durieux kaloeari ia poenja dompet oe-
