-406-
kan laen orang, hanja Sri Maha Radja Leopold dari Belgie. Akoe poenja iboe ada satoe nona miskin, jang soeda bisa memperoleh oentoeng, djadi baginda poenja katjintahan bebrapa boelan lamanja. Koetika akoe misti dilahirken, ajah soeda kasi sedikit oewang, dan soeroe iboe menikah sama laen orang, jang mana ditoeroet djoega olehnja. Tapi, koetika akoe poenja ajah sampiran taoe, lantaran apa iboe menikah padanja, hatinja lantas mendjadi patah. Pada soeatoe hari, ia ambil samoea oewang jang masi ada katinggalan, dan pergi ka Amerika. Tatkalah itoe tida brentinja iboe mengirim soerat pada ajah. Doewa kali baginda kirimi bebrapa ratoes trank, kamoedian tida mengabarken soeatoe apa lagi. Lantaran itoe, djadi iboe misti berkerdja keras dari pagi sampe malem, aken dapet oewang, goena kitaorang hidoep berdoewa. Tapi, lemah sabagi toeboenja, tida ia bisa tahan toentoet penghidoepan begitoe sabrapa lama, dan koetika akoe beroesia doewa belas tahon, ia meninggal. Akoe menoempang sama tetangga, jang adjarken akoe djalan mengemis. Samingkin lama akoe djato samingkin dalem di tjoeram tjilakah. Oleh kerna kapajahan, akoe
