— 397 —
„Batja soerat kabar Matin! Pemboenoean jang ngeri di Auteuil! Pendjabat dalem kreta api, jang rampok tiga millioen frank dari saorang Amerika hartawan ! Wafatnja Sri Maha Radja Belgie!"
la tongolken kapalanja kaloear kreta, dan betoel sadja ia dapet liat satoe pendjoeal soerat kabar. Ia ketok dengen toengkat pada djendelah, deket tempat koesirberdoedoek, hingga lantas djoega kreta dikasim brenti.
„Kasi 'koe satoe soerat kabar !" kata ia.
Kamoedian sigra kreta dikasi lari kombali.
Ja, betoel sadja ada tertoelis dengen hoeroef besar-besar:
„Wafatnja Sri Maha Radja Belgie!"
Kian-kian tahon ia soeda harepi matinja baginda, tapi, sedeng sekarang itoe waktoe dateng, ia tida rasaken girang. Peroentoengan di doenia ada seperti impian, dan sabenarnja djoega memang begitoe!
Ia benjak, dan bikin soerat kabar itoe sampe djadi seperti bola, kamoedian lantas lempar ka loear kreta.
XXXIII.
Satenga tahon telah berlaloe, dari apa jang ditjeritaken di atas, tapi maski poen
