— 398 —
dalem sedikit tempo, ka'udahaii soeda berobah banjak sekali.
Caroline Delacroix, jang sekarang ada tinggal dalem ia poenja villa di FrankrÜk, pada soeatoe pagi, bersama doewa anaknja ada ambil tempat di satoe kamar loewas,jang letaknja di sabelah salatan. Dihadepannja ada satoe medja, dimana ada gambar-gambar dan bebrapa boekoe.
Anak jang lebi moeda dateng berdiri dekat padanja, dan berkata: „Mama, boleh kasi akoe liat lagi itoe gambar-gambar jang bagoes? Kemaren akoe belon liat samoea."
„Mama soeka sekali kasi oendjoek kaoe itoe gambar-gambar, anak manis, tapi ada orang maoe koendjoengi akoe, dari itoe kaoe misti liat sendiri sadja, atawa sama juffrouw."
„Akoe lebi soeka liat bersama kaoe dari sama juffrouw."
"Tapi sekarang tida bisa, anak!"
"Apa kaoe tida boleh tolak sadja samoea koendjoengan, mama?" tanja anak jang lebi toewa.
„Tida. itoe tida bisa! Lagi poen koendjoengan itoe tida mendjengkeli padakoe."
"Betoel?" tanja poelah anak itoe dengen berpikir.
