— 396 —
poean satoe-satoenja jang ia pernah tjintahi dalem saoemoér hidoepnja, sekarang ini ada brangkat mati, dengen tida lebi doeloe bisa bri selamat tinggal padanja.
Doktor idjinken, ia katemoeken lagi sakali pada orang jang sakit dan tjioem djidatnja ia poenja katjintahan jang maoe brangkat mati.
„Sekarang ada lebi back kaoe berlaloe dari sini," kata tabib itoe kamoedian. „Tida ada soeatoe apa lagi di sini Jang perloe kaoe poenja toeloengan. Kaloe kaoe masi maoe berboeat kabaekan bagi itoe nona,
kaoe malaenken boleh berboeat itoe dalem hal mengoeboer padanja.
Durieux menoeroet dianteri ka dalem kreta, jang orang panggili boeat ia. Kamoedian kandaran itoe dikasi lari keras, meliwat di sepandjang djalan besar.
„Barangkali ada lebi baek djoega begitoe!" kata ia, seraja toerooni djendelah kreta, mengendoes oedara jang seger.
Koenjoeng-koenjoeng koepingnja mendengar soeara treaknja orang jang mendjoeal soerat kabar.
Apa itoe ? Apa ia ada dalem mengimpi? Tida, dengen sabenarnja koepingnja ada denger orang bertreak.
