— 394 —
dakoe ! Roepan ja kaoe djoega bakal djadi sakit, bilah tinggal lama di sini. Toenggoe sadja sampe dokter dateng, dan kaoe boleh bitjara padanja."
Seperti satoe anak ketjil, Durieux kasi dirinja ditoentoen ka laen kamar, dimana anak-anak masi teroes bermaen bola.
Tida selang lama kadengeran boenji tindakan orang naek tangga. Prampoean itoe laloe memboekah pintoe.
„Ha," kata ia, „toewan doktor soeda dateng."
Saorang lelaki bertoeboe ketjil, dengen pakeh katja mata jang mendjepit idoeng, laloe beitindak masoek dalem kamar.
„Toewan doktor, ini toewan djoega dateng ka mari, boeat tengoki itoe nona jang sakit."
„Toewan," kata Durieux dengen amat soesa, „kaloe kaoe poenja ilmoe pengataoehan belon kapoetoesan, biarlah kaoe berboeat apa jang bisa, boeat menoeloeng itoe nona jang sakit. Perkara oewang kaoe djangan kwatir. Bagimana besar djoega adanja onkost, biar poen sampe sapoeloe riboe frank, akoe nanti bajar."
„Akoe tida bisa kata soeatoe apa, sabelon akoe liat doeloe ka'adahan orang jang sakit," saoet tabib itoe.
