— 393 —
ngen tida bersoeara, dan katjintahannja bekas Sri Maha Radja poenja djantoeng hati laloe bertindak masoek dalem kamar, jang samoea kelamboenja ada dikasi toeroen begitoe sampoerna, hingga tjahaja matahari tida bisa masoek ka dalem.
Kamar itoe ada oengkap sekali, hingga sasoeatoe orang bisa lantas dapet taoe, jang di sitoe ada tempatnja orang sakit. Koetika matanja soeda djadi biasa dt itoe tempat rěměng-rěměng, ia dapet liat di satoe podjok ada satoe pembaringan. Dengan hati-hati ia bertindak madjoe, mengikoeti itoe prampoean.
Apa itoe moeka poetjat, tinggal koelit sama toelang sadja, jang rebah diatas bantal, ada Mathilde? Ini soenggoe amat moestahil, tapi toch ia misti pertjaja. Roepanja seperti itoe orang jang sakit soeda tida bernapas lagi. Ia poenja antero toeboe dan anggota tida sedikit kaliatan bergerak, samantara matanja tinggal tertoetoep keras, seperti tida bakal terboekah lagi.
Lantaran sanget terkedjoet, Durieux moendoer bebrapa tindak, dan malaenkan bisa berkata: „O, Alah!"
Tapi sigra djoega njonja roemah tarik padanja, seraja berkata; „Hajo, ikoet pa-
