— 392 —
sekarang ada begitoe berbahaja, hingga sedikit sadja lantaran boleh membikin
kamatiannja. Doktor jang mengobati tida dapet oewang dan tida soedi dateng tengok lagi. Tadi akoe bawahi sedikit boeat ia dan sabentar ia nanti dateng poelah."
„Inilah," kata Durieux, seraja kaloearin oewang kertas saratoes frank dari dompetnja, „ambil ini seperti oepah kaoe poenja tjapeh dan sabagi ganti dari oewang jang kaoe soeda kaloeari. Kaoe boleh bikin peritoengan sampe tjoekoep, akoe nanti bajar dengen tida tinggalken barang satoe cent. Sama doktor akoe nanti bitjaraken, apa ia rasa tida lebi baek, orang jang sakit dibawah ka tempat sebelah salatan."
„Kaoe maoe soeroe ia pergi ka salatan?" tanja prampoean itoe dengen bersenjoem. „Jatoe memang ada baek sekali, tapi tjara bagimana kaoe bisa bawah padanja? Ia sekarang tida bisa berlaloe dari kamar!"
„Sampe bagitoe, sakitnja?"
„Mari, toewan! Akoe nanti anteri kaoe padanja, tapi inget apa jang akoe bilang padamoe."
Ia laloe ambil koentji dari kantongnja, dan djalan dihadepan Durieux, pergi ka kamar sebelahnja. Pintoe terboekah de-
