— 391 —
Dalem satoe kamar ketjil jang mengadep djalanan, ia dapetken ada doewa anak prampoean sedeng bermaen dengen satoe bola sama satoe anak lelaki.
Iaorang sigra brenti, tatkalah meliat ada saorang asing berdiri di hadepannja, dan jang paling toewa laloe berkata:
„Iboe tida ada di roemah, toewan!"
„la pergi ka mana?" tanja Durieux.
„la pergi pada doktor boeat itoe nona jang sakit, kerna doktor tida maoe dateng lagi, lantaran ia tida dibajar."
„Dan di mana adanja itoe nona jang sakit? Apakaoe boleh anteri akoe padanja?"
„Tida bisa, toewan," saoet itoe anak, „kerna iboe koentji pintoe kamar, dan koentjinja ada padanja."
„Kaloe begitoe, akoe nanti menoengoe sadja sampe ia balik," kata Durieux, dan ambil tempat di satoe krosi, jang ada di podjok.
Belon selang saprapat djam, prampoean itoe soeda dateng.
„Njonja," kata Durieux dengen koerang sabar, „lekasan anteri akoe pada itoe nona."
„Dengen sigra, tapi misti djangan oetjap satoe perkatahan," kata prampoean itoe dengen soenggoe-soenggoe. „Penjakitnja
