— 390 —
Koetika itoe pintoe roemah laloe terboekah, dan satoe prampoean kampoengan berdjalan kaloear.
Duriex sigra mengamperi padanja, dan berkata:
„Ma'afken akoe, njonja! akoe maoe tanja, apa barangkali nona Marianne Dupont ada tinggal di ini roemah, saorang jang berkerdja rawati pakean dalem roemah komedi?"
Prampoean itoe meliati padanja dengen tjemboeroean, kamoedian bales menanja:
„Apa kaoe maoe tagi oewang padanja?"
„Boekan," saoet Durieux, „malahan akoe masi ada poenja oetang padanja dan sekarang ini niat membajar sama sekali."
„Kaloe begitoe, kaoe dateng pada waktu jang betoel. Dalem bebrapa hari ni penjakitnja nona itoe ada begitoe heibat . . . . ."
„Hei!" berseroe Durieux dengen kaget, „soenggoe ia ada begitoe tjilaka?"
„Kaoe sadja ka atas. Akoe sigra balik, kamoedian akoe nanti anteri kaoe padanja."
Durieux tida toenggoe disoeroe sampe doewa kali. Ia sigra lompat-lompat dengen melangkahken doewa-tiga tingkatan tangga. Sasampenja di atas, ia dapet denger soeara anak-anak.
