- 387 -
kata poelaii prins, tatkalah ia ada sendirian. „Apa akoe perdoeli, asal sadja akoe bisa bitjara sabentaran pada akoe poenja Clémentine jang manis! Tapi tjara begimana akoe nanti bisa katemoeken padanja ?"
Ia berdiri diam sakoetika lama didepan medja toelisnja, dan boelak-balik ingetannja, memikiri soeatoe daja.
„Sabenarnja akoe ada ingini satoe perkara jang terlaloe gila," kata ia kamoedian pada diri sendiri, „tapi . . . . ."
Kombali ia boenjiken lontjeng.
„Jerôme, akoe kapingin sanget bitjara sama poetri, tapi tjara bagimana akoe bisa sampehken itoe niat?"
Jerôme tertawa sabentaran.
„Sri padoeka menanjaken akoe satoe perkara jang soesa sekali."
„Ah, kaoe salamanja ada lebi tjerdik dari akoe."
Boedjang itoe berdiam sakoetika, kamoedian berkata:
„Tjoba kaloe Sri padoeka maoe menjaroepakean . . . . ."
„Kaoe gila, Jerôme! Ini waktoe boekan ada pesta carnaval."
„Akoe djoega boekan maksoedken soepaja Sri padoeka menjaroe satjara di pesta car-