— 388 —
naval, tapi laen matjem, oepama sabagi satoe pengawe."
„Akoe serahken sadja padamoe, Jerốme! Bikin sediah, apa jang kaoe rasa baek.'"
⁂
Koetika hari moelahi djadi gelap, kaloear satoe toekang anterin kabar kawat dari satoe roemah besar di djalanan Louise, dan menoedjoe ka tempat kadiamannja Prinses Clémentine.
Sigra ia kasi pada pengawal pintoe satoe soerat kawat. Lama lagi ia menoenggoe, baroe kaliatan poetri djalan kaloear, anteri sendiri soerat pertandahan. Koetika dapet kapastian, jang iaorang tjoema ada berdoewa sadja, poetri laloe berkata:
„Kaoe misti djangan lagi berboeat seperti sekarang, Victor! Sabenarnja akoe haroes dikataken koerang pikiran, lantaran soeda toeroeti permintahanmoe ini. Oepamaken ada jang dapet taoe ini perkara, apa orang nanti kata tentang hal akoe?"
„Akoe ingin begitoe sanget denger kaoe poenja soeara dan pegang kaoe poenja tangan, Clémentine! Apa kaoe inget, brapa lama soeda berselang, sadari kitaorang bertemoe jang paling blakang?"
„Tapi kaoe taoe jang ajahkoe ada sakit,
