— 386 —
sedap, jang tida boleh koeping asing mendenger. Ha, . . . . .
Apa lebi baek akoe lekas-lekas balik ka Paris? Tapi apatah perloenja? Akoe soeda djandji aken bertemoe pada soedarakoe di itoe kota, tapi satoe boelan kamoedian akoe toch nanti masi bisa katemoe moeka padanja, dan akoe nanti toelis soerat, jang kaadahan di sini ada begitoe roepa, hingga akoe rasa lebi baek tida berlaloe doeloe dari Brussel. Alangkah girangnja Louis, kaloe ia taoe, harepankoe jang paling manis bakal terkaboel! Ah, tjoba Letitia djoega bisa toeroet bersaksi, ia, jang tida harepi laen boeat akoe dari nikahan jang broentoeng! Tapi, o, ia sendiri tjoema bisa ngalami broentoeng doewa tahon lamanja! Kamoedian datenglah maleikat maoet, jang tjereiken ia dari Prins van Savoye. Kasian sekali!"
Sakean lama ia berdjalan moendar-mandir dalem kamar, kamoedian laloe boenjiken lontjeng.
„Jerome, soeroe boeka sadja koeda-koeda dari kandaran! Akoe tida djadi brangkat."
Boedjang itoe membongkoki diri dan berlaloe.
„Itoe memang ada jang paling baek,"
