— 382 —
Baginda Albert sama permeisoeri Elisabeth ada berdoewa'an sadja dalem satoe kamar di astana. Iaorang doedoek deket sekali satoe sama laen.
„Djadi, akoe sekarang ini . . . permeisoeri!” kata Elisabeth, seraja memeloek leher baginda. „Permeisoeri! o, bagimana sedap boenjinja perkatahan itoe dalem akoe poenja telingga, tapi, alangkah djoega besarnja kawadjibankoe sekarang ini! O, akoe nanti berlakoe lebi dari jang doeloe-doeloe . . . .”
Tapi tangannja Albert laloe menoetoep moeloetnja dengen plahan, kamoedian berkata:
„Lebi dari doeloe kaoe maoe berlakoe baek, maoe djadi satoe tjonto bagi samoea orang? Itoe tida perloe. Tinggal sadja sabagimana kaoe ada sekarang, dan sakalian rahajat nanti memberkati padamoe!”
„Akoe nanti merasa enak, enak sekali dalem hati, bilah samoea orang soeka padakoe, djika toewa dan moeda, memandang akoe dengen mata begitoe manis, seperti anak-anak meliati iboenja.”
„Kainginan begitoe poen ada padakoe. Akoe merasa tjinta karahajatan Belgie, dan kaloe benar tjinta menerbiti katjintahan,
