— 376 —
memeloek pada poetri, dan pada sorot matanja ada njata, ia merasa sanget berkasian pada Louise jang tersiasia.
Lantaran tersoeroeng oleh rasa takoet pada ia poenja pioetang pioetang, jang soeker di'itoeng djoemblahnja, teriring oleh harepannja aken sigra terlepas dari itoe kasoesahan, tertambah lagi dengen sakit hatinja pada si setan bantal, jang samantara itoe ada hidoep dalem kamewahan dan kamoeliahan, samantara ia, satoe poetri aseli, tida bisa hidoep nenoeroet deradjatnja, membikin dalem hatinja Louise, malaenkan timboel satoe harepan, tatkalah ia disamboet dengen manis boedi oleh radja dan permeisoeri baroe.
Waktoe malemnja Baginda Albert ada koendjoengi pada poetri.
„Tjobalah kita damiken sekarang, apa jang misti diperboeat,” kata baginda. „Kaoe mengarti sendiri, samoea hal jang boleh menerbitken tjektjok, misti disingkiri saboleh-boleh.”
„Tapi sekarang njata itoe perkara soesa mendjadi,” kata poetri. „Akoe telah prenta akoe poenja advocaat boeat metereiken ini atawa itoe.”
„Itoe mendoekahken akoe lebi dari jang
