— 377 —
akoe bisa kataken padamoe. Pertama, oleh kerna akoe rasa sekarang ini boekan ada waktoenja aken berlakoe demikian, kadoewa sebab akoe ada harep, jang ini perkara bisa dibikin beres dengen tida ambil atoeran keras.”
„Tapi kaoe toch tida berkaheudak, aken akoe toeroet sabaginiana boenjinja soerat wasiat, boekan?”
„Tida, itoe boekan sama sekali akoe poenja kahendak. Datengkoe ka mari soeda bisa menoendjoeki terang sekali padamoe, jang akoe ingin bisa singkiri samoea, apa jang akoe timbang tida patoet atawa tida benar.”
„Akoe mengoetjap banjak trima kasi, jang kaoe soeda soedi trima akoe begitoe manis.”
Baginda berbangkit dan angsoerken tangan pada poetri.
„Apa jang akoe bisa, akoe nanti berboeat aken goenamoe dalem perkara harta poesaka.”
„Itoe akoe soeda saksiken dari kaoe poenja klakoean," kata poetri, seraja samboeti tangan jang diangsoerken padanja.
„Tapi, kita misti djangan loepahken,” kata poelah baginda, „jang diatas itoe perkara, ada laen hal jang lebi penting !”
