— 375 —
pandang ia sabagi satoe pengoentit redjeki, jang berharep nanti bisa masoeki oewang millioenan dalem sakoe. Boeat anggap begitoe, orang toch misti taoe doeloe hal jang sabenarnja!
Dan Prinses Clémentine? Louise ampir tida kenal padan, tapi ia taoe, soedara itoe sanantiasa berpinda-pindahan tinggal dalem astana bapa dan achirnja pisahken diri djaoe-djaoe dari sang ajah, lantaran tida bisa tahan bertjampoer gaoel sama Barones de Vaughan.
Dan sekarang Louise pergi ka Brussel, ia nanti bertemoe kombali pada samoea kaoem koelawarganja!
⁂
Di watas tanah Belgie, Sri Maha Radja Albert kirim satoe pengiring. Boekan seperti orang oesiran ia dateng di Brussel, tida, hanja sabagi poetri jang aseli, dan dalem astana ia disamboet lebi manis dari jang ia brani harep.
Sri Baginda baroe ada trima ia dengen sapantesnja, dan waktoe membri selamat bertemoe, Albert telah kasi kentara, jang ia ada berharep, moelahi itoe waktoe, samoea kaoem koelawarga nanti djadi baek kombali seperti doeloe. Permeisoeri baroe
