— 372 —
bitjaraken kita poenja hal, dan itoe salamanja boekan dalem perkara bagoes."
„Apa akoe maoe perdoeli sama moeloet orang? Apa ada satoe manoesia di doenia jang toeroet bersoesa hati, koetika akoe ada dalem kamalaratan? Tidakah iaorang samoea mendengerken dengen sanget getol, pada sasoeatoe kaboesoekan jang orang tjeritaken tentang hal akoe? Dan koetika akoe ditangkap dan ditoetoep dengen begitoe kedji, tatkalah akoe disakiti dengen matjem-matjem daja, apa ada satoe manoesia jang soeda londjorken satoe djarinja aken menjegah, soepaja akoe tida djadi binasa? Manoesia di doenia, hm!..... marika itoe samoeanja ada binatang, ja, binatang alas jang paling kedji! Matjan sama matjan tida saling gigit, tapi manoesia, ah! lebi baek orang traoesa bitjaraken hal manoesia, kaloe ia tida maoe napsoenja djadi meloewap! Bilah akoe tinggal miskin, akoe tida dapet harta milikkoe, liatlah, orang nanti bersenjoem sindir bilah meliati kita liwat di djalanan. Boekankah satoe poetri jang miskin ada lebi koerang harga dari manoesia biasa jang melarat?"
„Tapi biar bagimana djoega, sama Sri Baginda baroe, sama Prins Albert, berdaja
