— 371 —
„Tida pertjaja? Tapi boekan kaoe djoega ada taoe, jang ia soeda memboewang banjak oewang goena Niederfull-bacher stichting? Boeat itoe sadja, katanja orang, ada diborosken tiga poeloe millioen."
„Habis, apa salahnja ?"
„Tida salah? Kaoe kira akoe bisa merasa senang di hati, oewang diboewang-boewang begitoe aken diriken astana-astana, samantara akoe tida taoe, tjara bagimana misti hidoep dengen pantes dari sahari ka laen hari?"
„Djadi kaoe pendeknja tida maoe pakeh timbangan soeatoe apa aken sampehken kaoe poenja niat?"
„Pakeh timbangan? Tida nanti! Sabegitoe djaoe akoe masi bisa berboeat, sabegitoe djaoe masi ada daja aken dapet akoe poenja milik, akoe tida nanti menjingkir maski poen saoedjoeng ramboet."
„Kaloe kaoe kata begitoe, berboeatlah sabagimana jang kaoe rasa baek, tapi pertjaja djoega padakoe, Louise amat tertjinta, lebi baek kaoe ambil djalan dami, sabegitoe djaoe niat kita masi bisa disampehken, dari pada berboeat jang boleh bikin djadi bertamba djoemblahnja kita poenja moesoe. Sekarang sadja soeda sampe banjak orang
