— 369 —
Di itoe hari djoega barones pergi pada ia poenja advocaat, dan pada esoknja, perkara soeda moelahi dipreksa dalem pengadilan di Laeken. Barones tida ada kainginan aken oeroes sendiri ia poenja perkara, hanja malaenkan kasi masoek satoe seerat pengadoean.
Samantara itoe Prinses Louise soeda soeroe metereiken djoega samoea barang jang ada di astana Balincourt.
Kamoedian, oleh kerna njata tida ada perkara gelapken milik, maka pengadilan ambil poetoesan, aken tjaboet ia poenja meterei.
XXIX.
Harta, harta doenia jang gilang-goemilang, memang bisa sekali bikin penghidoepan manoesia seperti ada didalem sorga! Dari sebab begitoe, kaloe satoe manoesia hartawan meninggal doenia, djarang kaoem koelawarganja bisa terloepoet dari tjektjok lantaran hartanja. Begitoe poen Prinses Louise poenja dateng di negri Belgie, pembatja soeda taoe . . . malaenkan boeat harta, harta doenia jang bersifat manis sekali! Tapi marilah kita moendoer
Radja Belgie
24
