— 365 —
Koenjoeng-koenjoeng di waktoe pagi hari, datenglah sang adjal jang amat haibat, menjerang pada si sakit, hingga djoega pengataoehan sakalian tabib, tida bisa samboeng baginda poenja djiwa.
Selang satengah djam baginda meninggal, dateng Prins Albert dan Prinses Clémentine dalem itoe Palmen-palviljoen. Toewan-toewan minister dibri taoe ka'adahan itoe dan dalem sakedjap sadja, dari sana-sini banjak dateng pembesar jang berdjalan terbirit-birit. Sigra djoega dikirim kabar kawat kamana-mana tempat, hingga tida selang lama lagi, dalem sa'antero karadjahan Belgie, tersiar kabar; „Sri Maha Radja meninggal!”
Dalem villa Vanderborgh, sabaliknja ada dalem kasoenjian.
Dalem satoe kamar, ada satoe njonja moeda dan tjantik, berloetoet di djoebin sambil menangis tersedoeh-sedoeh.
Sri Maha Radja meninggal!
Bagi ia, kadjadian itoe, adalah seperti goenoeng goegoer. Ia taoe, tida lama lagi nanti dateng permoesoehan dari sana-sini, kerna tentoe sekali poetri-poetri baginda tida aken maoe tinggal diam sadja.
Ia sendiri telah rasaken, misti lekas ber-
