— 366 —
laloe dari itoe roemah. Dari itoe poen ia maoe lebi doeloe lakoeken sembajang pengabisan kali bagi baginda.
Salagi ia bersedoeh-sedoeh, tangisi baginda jang soeda mangkat, pengawal kamar dateng mengasi taoe, toewan doktor Thiriar dateng mengoendjoengi.
„Minta ia masoek!” kata ia, kamoedian berbangkit dengen hati sedikit lebi legah.
Ia madjoe bebrapa tindak, angsoerken tangannja pada toewan tabib, seraja katanja dengen soeara sember:
„Trima kasi atas kaoe poenja kabaekan, jang soeda tida meloepaken akoe, jang ada dalem ka'adahan begini tjilaka. Salekas-lekasnja akoe maoe balik ka Balincourt, dimana akoe telah tinggali anak-anakkoe. Akoe merasa kapingin sekali katemoe kombali pada marika. Baginda ada tinggali berkat, jang akoe misti lantas sampeken pada anak-anaknja.”
Kamoedian kaliatan poelah aer mata barones jang berlinang-linang, Tapi ia tahan hatinja saboleh-boleh, aken tida menangis lagi seperti anak ketjil.
„Djangan terlaloe menoeroeti hati, njonja,” kata si tabib kolot. „Hertog Tervueren dan Graaf Ravenstein, kaoe traoesa
