— 364 —
tangannja, itoelah ada peroentoengan bagoes, tapi kamoedian, bagi ia telah mendjadi njata, jang pikirannja itoe, tersesat djaoe betoel dalem kakliroean.
Koningin Marie Henriette, boekan ada satoe prampoean jang boleh mendjadi istrinja, dan baginda, boekan ada satoe lelaki, jang boleh djadi soeaminja permeisoeri.
Kamoedian ia bertemoe pada Barones de Vaughan. Sadari itoe waktoe, ia rasaken diri seperti ada didalem sorga, hingga poen ia merasa amat berat menanggoeng boedi si nona, jang soeda bisa bikin ia dapet ngalami penghidoepan, sabagimana sering kali ada diharep olehnja.
XXVIII.
Sri Maha Radja meninggal!
Hal itoe tersiar di sa'antero kota lebi banjak seperti kabaran biasa, dari pada warta kasedihan.
Sabagimana djoega kabanjakan terdjadi pada orang sakit, begitoe poen baginda tida sekali njana, jang ia bakal mangkat. Pada Baron de Goffinet, ia masi bitjaraken tentang kabagoesannja Cote d'Azur, kamana ia harep bisa pergi bebrapa minggoe lamanja, boeat mendjadi semboe betoel-betoel.
