— 363 —
djaoe, atawa di kamar sabelah. Lantaran itoe barones djadi bisa ada sendirian pada pembaringan si sakit.
Satoe kali, tatkalah ada dalem tempo begitoe, barones lantas berloetoet dan bersedoeh-sedoeh lama sekali, sahingga satoe tangan jang telah djadi koeroes, mengoesap-ngoesap kapalanja, dan satoe soeara lemah berkata:
„Akoe trima besar sekali kaoe poenja boedi, djantoeng hati! Bagimana adanja broentoeng jang sedjati dalem penghidoepan satoe radja, kaoelah jang membri kenal itoe padakoe!”
Kamoedian laloe ia tjioem tangan itoe, jang soeda tinggal koelit sama toelang, dan basaken dengen aer matanja.
„Mengapa broentoeng itoe tjoema bisa kadjadian dalem tempo begitoe sabentaran?” tanja ia dengen soeara berbisik.
Baginda poenja kabaekan, membikin barones djadi dapet rasa tjinta padanja. Katjintahan itoe kaloe maoe diseboet dengen benar, adalah sabagi katjintahan satoe anak pada ajahnja.
Sri Maha Radja Leopold II, djarang sekali dapet rasa broentoeng. Bermoelah ia ada mengira, apa sadja jang djatoh dalem
