— 362 —
taoehan soeda tida berkwasa lagi, boeat bikin perpreksahan lebi djaoe.
⁂
Bagi Barones de Vaughan adalah satoe kasedihan besar, dalem waktoe baginda terserang penjakit haibat aken kadoewa kalinja.
Saban djam, ja, ampir boleh dibilang saban menit, ia dapet menerima warta tentang ka'adahan „si toewankoe,” dan sabrapa sering jang ia bisa, ia pergi ka palviljoen, dimana Sri Maha Radja sanantiasa berada, salama ia terserang penjakit.
Ka'adahan jang paling tida enak bagi barones, jaitoelah sabentar-bentar baginda misti trima koendjoengan, jang membikin ia kapaksa misti berlaloe dari pembaringan „si toewankoe.”
Prinses Clémentine, Gravin dari Vlaanderen, Prins Albert, Prinses Elisabet, ada berganti-ganti sadja meliati ka'adahan baginda, dan apabilah iaorang samoea soeda pada berlaloe, masi ada lagi doewa padri prampoean, jang lakoeken perkerdjahan seperti djoeroe rawat.
Malaenkan di waktoe malem, barones tida dapet ganggoean. Koetika itoe, padri-padri prampoean mengambil tempat sedikit
