— 361 —
kata ia sambil bersedoeh-sedoeh. „Badannja soeda ada begitoe lemah!”
Saprapat djam kamoedian barones soeda ada berhimpoenan sama toewan-toewan doktor. Ia mendengari katrangan dari sakalian tabib, jang menjataken, lebi baek berlakoe oentoeng-oentoengan, dari pada biarken si sakit menanggoeng sangsara sampe achir-achir mendjadi mati djoega.
„Djadi tida ada laen djalan jang lebi baek bagi baginda?" tanja de Vaughan dengen soeara sember.
„Malaenkan seperti jang soeda dibilang, njonja!” djawab Dr. Thiriar.
„Kaloe begitoe, apa boleh boeat!”
Demikianlah telah mendjadi satoe katetapan, aken tabib-tabib pertoendjoeki ilmoenja dalem hal membelèk.
Helaas, mata toewan-toewan doktor, jang begitoe lama telah diasah dalem pertapahan, poen sakali ini ada kliroe dalem hal sakitnja Sri Baginda. Dimana iaorang ada mengira, nanti dapeti bisoel atawa laen-laen penjakit, jang menghalangi kamandjoerannja obat, tida terdapet soeatoe apa. Boleh djadi ada laen jang mendjadi sebab, maka baginda begitoe soesa tersemboeh dari penjakitnja, tapi sekarang ini ilmoe penga-
