— 359 —
dateng tengah-hari, boeat manoesia ngalami pri ka'adahan doenia, achir-achir datenglah sang malem, aken orang tidoer dalem koeboeran. Ada manoesia jang meninggali kahidoepan pada waktoe baroe fadjar, itoelah ada jang paling broentoeng. Ada djoega jang paksa tiwasken diri, sasoeda ngalami matahari poenja panas jang paling haibat; ia inilah haroes disedihken oleh samoea manoesia. Poen ada jang baroe tersimpan dalem koeboeran, koetika betoel-betoel soeda dateng sang malem. Ia ini adalah jang paling banjak ngalami asem-garemnja doenia. Ada jang bilang, toentoet penghidoepan begitoe, ada jang paling broentoeng, ini soenggoe satoe pikiran jang sesat sekali. Orang itoe tentoe tida pikir, achirnja penghidoepan, samoea ada pait dan getir bagi orang jang banjak ngalami. Samingkin banjak orang saksiken ka'adahan doenia, samingkin orang nanti merasa djemoe pada penghidoepan manoesia . . . .”
Tatkalah itoe pintoe terboeka dengen plahan. Dr. Thiriar masoek dalem kamar. Toewan Goffinet palingken badan, dan, seraja mengamperi pada toewan tabib, ia menanja:
