— 355 —
masoek dalem kawanan bangsat, jang tida sedikit mempoenja kasian, pada siapa sadja jang bisa djadi korbannja.
Tatkalah soeda beroesia lebi toewa, akoe pisaken diri dari iaorang. Akoe berkenalan pada Caroline, dan pada permoelahan, akoe dapet pengrasahan, seperti dengen soenggoe akoe ada menjinta padanja. Tapi tida lama akoe tinggal begitoe, kerna Caroline banjak mempoenja tingka. Sabentar ia berlakoe manis sekali, tapi sakoenjoeng-koenjoeng bisa djadi berobah, dan bertingka seperti ada sanget membentji padakoe. Dalem itoe koetika ka'adahankoe ada djaoe dari baek. Akoe poenja oewang simpanan — kerna sabelon akoe berkenalan pada Caroline, sakean lama akoe ada berkerdja dalem balatentara — soeda habis 'koe pakeh boeat onkost sahari-hari, dan bagi 'koe tida ada laen daja, dari minta toeloengan Caroline, aken bagi 'koe dari ia poenja pendapetan oewang berkerdja. Aken tetapi gadjinja tida bisa menjoekoepi, aken dipakeh boeat hidoep berdoewa. Akoe liat Caroline poenja roepa ada sampe tjantik, aken bisa dapet pengasilan dari perdjalanan serong. Akoe kasi njata niatkoe padanja. Tapi akoe kliroe. Caroline ber
