— 356 —
hati lebi haloes dari jang akoe doega. Ia banta keras sekali akoe poenja niat. Lebi djaoe kaoe soeda taoe, itoe hal-hal jang kadjadian di tentoonstelling .....”
,,Ja, itoe samoea akoe taoe, dan akoe poen brani bilang dengen segala kapastian, jang kaoe, sasoeda lakoeken penghidoepan seperti dalem itoe tempo jang telah liwat, tida nanti bisa merasaken lagi broentoengnja penghidoepan soetji. Padakoe tida bedah sebagi itoe djoega, tapi tidalah begitoe tjilaka seperti kaoe. Akoe tida aken hidoep sabrapa lama lagi, hingga djoega doeka-tjita tida bisa menimpah begitoe kian-kian tahon, seperti jang nanti kadjadian pada dirimoe.”
Ei, ei, Mathilde! Hajo, boewang itoe segala ingetan djelek dari dalem pikiranmoe! Siapatah djoega jang nanti bisa bilang dengen pasti, kaoe tida aken bisa djadi
baek kombali?”
,,Tida, Lucien, tida bisa! Harepan begitoe, bagi akoe, misti djadi satoe harepan jang siasia. Salaen itoe, maskipoen bisa kadjadian, itoe malaenkan semboe boeat
dirikoe. Hatikoe nanti tinggal sakit, sedeng itoe ada jang paling perloe, bagi orang jang maoe hidoep.”
