— 354 —
kali pada sakolahan, begitoepoen berkerdja. Kitaorang poenja kainginan, jaitoe berdjalan-djalan sadja dengen bersoeka-soeka, tapi tida kakoerangan dalem segala perkara.
„Dengen kainginan begitoe, kaoe misti terlahir djadi anaknja orang jang mempoenja harta joeta'an."
„Memang, tapi di soeatoe kota seperti Paris tida terlaloe moestahil aken dapet penghidoepan begitoe. Tjoema kaoe misti tanja, tjara bagimana."
„Sekarang akoe mengarti."
Kamoedian Mathilde mengelah napas. „Anak manis, kaoe ada terlaloe baek, aken mengarti, apa jang telah akoe lakoeken. Akoe sama sobatkoe, seperti ada satoe toeboe, iang mempoenja satoe hati. Pada permoelahan, tida ada begitoe gampang. Kitaorang lakoeken pentjoerian-pentjoerian ketjil hingga achir-achir sobatkoe memperoleh oentoeng, dapet mempoenjaken oewang sadjoemblah jang besar djoega.
Tapi kitaorang tida lebi lama tinggal berdoewa'an sadja. Kita dapet laen-laen sobat, laki-laki dan prampoean.
Orang toewakoe soeda lama tida maoe ambil perdoeli padakoe, dan kitaorang ter-
