— 353 —
poenja kaJemboetan, anak manis, jang djika maoe diandeiken sabagi kembang, adalah kembang jang beroepa bagoes dan berbaoe haroem.”
„Apa salamanja kaoe ada begitoe?”
„Tida,” kata ia dengen soeara berbisik, „tapi dengerlah, anak manis! Akoe sabenarnja ada dapet waktoe baek, jaitoe maoe dikata, djika akoe maoe, akoe bisa dapet peladjaran tinggi. Tapi apa telah kadjadian? Bersoeka-soeka ada lebi menarik akoe poenja hati dari itoe kamistian didalem sakolah, dan koetika orang toewakoe dapet kanjatahan, jang akoe poenja peladjaran tida bisa djadi madjoe, iaorang lantas menetapken, kasi akoe peladjaran dalem pertoekangan.”
„Itoe pikiran betoel sekali. Tjoba akoe djoega bisa dapet orang toewa seperti jang kaoe poenja!”
„Akoe misti djadi toekang bikin perkakas, tapi dalem hal itoe poen lekas sekali membikin akoe bosan. Dalem itoe waktoe akoe dapet berkenalan pada satoe sobat, jang oemoernja lebi toewa bebrapa tahon dari akoe. Kitaorang ada sama pikiran, jaitoe merasa amat tida betah trima peladjaran lebi djaoe. Tegesnja, kitaorang bentji se-
Radja Belgie
23
