— 346 —
kaliatan satoe nona moeda dateng mengamperi laki-laki itoe. Diliat dari dandanannja sadja, lantas soeda bisa ternjata, nona itoe lebi soeka bersenang-senang, maski poen boeat samantara waktoe, dari pada lakoeken hidoep jang didapet dari perkerdjahan soetji.
Durieux - kerna laki-laki itoe boekan laon adanja lantas boeroe-boeroe madjoe mendekati, dan sembari pegang tangan si nona, salakoe orang jang kangan, laloe berkata:
„Bagimana dengen ka'adahanmoe, Mathilde? Banjak baekan?"
Si nona batoek beroelang-oelang, kamoedian menjaoet: „Ada baekan, tapi tida begitoe lekas tersemboeh betoel. Aken mendjadi waras seperti doeloe hari, Dr. Dublane kata, akoe misti toeroet segala ia poenja nasehat jang dibilangi padakoe. Akoe poen rasa misti begitoe. Tjoema sekarang akoe merasa kliwat tida enak, jang akoe tida bisa mentjari sendiri, hingga membikin kaoe misti kaloear oewang begitoe banjak goena kaperloeankoe."
„Aken hal akoe, traoesa kaoe pikiri sampe begitoe. Boekankah si kolot tida nanti
