— 347 —
mendjadi miskin lantaran berlakoe sedikit rojal pada kitaorang?"
Mathilde tertawa, sekalipoen ia beroelang-oelang diserang batoek.
„Akoe maoe kata," kata poeiah Durieux, „Caroline tida nanti djadi kabratan, mengasi kitaorang sedikit lebi banjak. Mathilde, kaoe barangkali tida taoe, brapa besar onkostnja orang jang maoe hidoep dengen pantes."
„Ja, kaoe bilang sadja begitoe..... hidoep pantes, tapi....."
„Eh, eh, Mathilde, orang seperti akoe, kaloe tida kliwat terpaksa, tentoe tida nanti maoe berdjalan dengen kopia pengawal astana, sabagi jang dilakoeken oleh Sri Maha Radja Leopold II, sabagimana Caroline ada toelis padakoe. Itoe terlaloe sekali, satoe orang jang ada mempoenja harta begitoe besar, masi tinggal pelit sadja, seperti pendoedoek di pagoenoengan!"
Mathilde tertawa bergelak-gelak, kamoedian berkata:
„Akoe poen ada dapet denger satoe hal jang sanget mengheiranken. Eh, apa benar, baginda radja tjaboet hak anak-anaknja dalem hal poesaka?"
„Sarape begitoe djaoe, akoe belon denger
