— 345 —
„Ah, dasaran si Caroline jang bentahan! Satoe kali akoe poen soeda toelis padanja: „Mari dateng padakoe, kitaorang sekarang toch soeda ada poenja lebi dari tjoekoep aken bisa hidoep dengen senang." Tapi apa? Tida, ia tida ada ingetan tinggali si toewa bangka. „Akoe soeka padanja," ia bri djawaban, „dan tida maoe bikin orang, jang begitoe tjinta padakoe, djadi soesa hati." Ai, liatlah! Di doenia soenggoe tida ada perkara jang moestahil! Siapatah jang bisa mendoega lebi doeloe, Caroline aken bisa mempoenja pikiran begitoe haloes! Sekarang bagi akoe tida ada laen djalan, malaenken diami sadja ia toenggoeken si kalot sampe mati. Orang jang soeda toewa begitoe, poen tida nanti bisa tiggal hidoep lagi brapa tahon, dan djoestroe samingkin lama ia ada dalem tangannja „si toewankoe", hartanja nanti djadi samingkin bertamba, achir-achir boeat akoe djoega poenja kasenangan! Dan tidakah ia pernah menoelis padakoe begini: Sabolehnja akoe nanti berdaja, boeat dapeti banjak harta goena anak-anak." Nah, liatlah harepan apa ada padakoe di kamoedian hari......"
Di itoe sa'at, di tempat jang sedikit djaoe,
