— 342 —
berada diatas kapalanja pengawal astana. Ia hidoep dengen himat sekali, hingga kanimatan dalem roemah djoega ampir tida diperloeken olehnja, satoe hal, jang bagi sasoeatoe orang hartawan, nanti perhatiken betoel, boeat dapet lebi banjak dari jang laen. Dan apabilah barones mengoesik itoe perkara, salaloe baginda berkata:
„Tinggali, akoe dalem ka'adahan sekarang, anak manis! Kasenangan boekan misti didapeti dengen menoeroeti sadja kabanjakan orang. Satoe-satoe manoesia, ada poen ja laen kasoekahan. Orang jang senang, adalah jang bisa dapet ia poenja kahendak hati!"
Baginda poenja kainginan, jaitoe bisa menjoekoepken onkost doewa poeloe frank sahari. Barangkali djoega ada benar sekali, kaloe maoe dibilang, pikiran itoe ada teramat aneh dan ada mendjadi tanda, baginda sedeng ada dalem waktoe membekasi.
Aken tetapi bagimana djoega ia ada himat aken diri sendiri, bagi barones baginda salaloe maoe berboeat sabrapa bisa boeat menjenangken. Dalem astana Balincourt, ia kaloearken oewang satoe millioen doewaratoes riboe frank sabagi hadiah atas hari
