— 343 —
tahon barones, dan di harian natal, satoe millioen.
⁂
Hari soeda berdjalan sampe pada moesin herfst.
Oedara ada bagoes dan hawa poen njaman rasanja. Dalem Bois de Boulogne dadaonan poehoen banjak jang soeda moelahi koening. Malaenkan sedikit di sana-sini masi kaliatan warna idjo. Ini adalah mendjadi tanda, jang moesin dingin ampir pertoendjoeki poelah ia poenja roepa, gilang-goemilang seperti baloer menoetoepi moeka boemi.
Di tepi danau ada satoe laki-laki berdjalan moendar-mandir. Pakeannja boleh dilang ada perlentei, tapi ada sedikit loear biasa.
Orang itoe sabentar-bentar merandak dan meliat koeliling, seperti ada soeatoe apa jang ia toenggoe.
Ia poenja kapala toengkat, jang terbikin dari mas, ada berkilat-kilat di tjahaja matahari jang gilang-goemilang.
Koetika matanja meliat pada itoe barang indah, moekanja djadi bersenjoem sabentaran.
„Pembriannja jang pertama!" kata ia
