— 337 —
XXVI.
Baginda baek kombali.
Koetika ia soeda mendjadi semboe betoel-betoel, terbit satoe kainginan dalem hatinja, aken poelang ka negri sendiri. Satoe pirasat sabentar-bentar dateng mengingeti padanja, bahoewa tida aken selang sabrapa lama, maleikat maoet nanti menjangkem poelah, dengen tida kasi sang korban melolosken diri kombali.
Bagi manoesia, moeda atawa toewa, masing-masing poenja, penghidoepan misti sampe pada achirnja, sabagi kaki jang berdjalan misti brenti di soeatoe tempat. Kaloe achir achir sang adjal soeda dateng mengoendjoengi, ada apatah lagi jang katinggalan, salaen menginget penghidoepan jang soeda-soeda ?
Penghidoepan di doenia jang fana,
Sabagi boesoer melepas pana,
Baek bangsawan baek poen hina-dina.
Batin trabisa ngoempat ka mana.
Aer jang teroes ngalir tida brenti,
Bening boetak masi terboekti,
Poen loempoer penghidoepan tjateti,
Prilakoe orang sampe ia mati.
Radja Belgie
22
