— 330 —
ken diri seperti terdjebloes dalem tjetjomberan."
Apa jang barones baroesan kata, ada benar sekali. Sri Maha Radja sendiri djoega sering memikiri itoe perkara, tapi saban-saban misti membentoeki kapala, lantaran tida bisa dapet laen djalan boeat mengobah nasib sang anak.
„Ja, Caroline, dalem hati koe malaenkan masi katinggalan satoe daja, aken membikin ini anak-anak berdiri lebi atas dari orang-orang ketjil jang kabanjakan. Iaorang nanti djadi amat hartawan, itoe akoe tentoe bikin persediahan, sabelon dateng waktoe, aken akoe brangkat poelang ka tempat baka."
Barones mengelah napas.
„Tapi djoestroe siapa jang hartawan, nanti dapet kainginan lebi. Ia maoe djadi moelia dan berkwasa...."
Sekarang baginda poen mengelah napas. Lebi dari harta doenia, ia tida bisa tinggali pada itoe doewa anak.
„Ini perkara soeda sampe mendoekaken, Caroline! Djangan kaoe kaloeari lagi perkatahan jang menindih padakoe," kata ia kamoedian. „Sadari jang pertama mendjelemah di doenia, sampo sekarang ini,
