- 322 -
sering telah terdjadi satori dalem astana kota Laeken, hingga kaloe maoe dikoempoel djoemblahnja dari jang heibat sampe pada jang paling ketjil, tidalah orang nanti bisa mengitoeng dengen goenaken sadja djari tangan dan kaki.
Saban kali terdjadi perkara demikian, adalah Prinses Clémentine jang sanantiasa djato di fihak kalah. Itoe samoea hal biarlah tertinggal sadja diloear tjerita, katjoewali satoe, jang kita rasa perloe diroeboengken di sini, seperti kadjadian jang paling penting.
Pada soeatoe hari poetri masoek dalem kamar ajahnja, djoestroe koetika barones maoe kaloear dari sitoe. Si aseli tida bri kahormatan pada si barones kamaren doeioe. Baginda tatkalah itoe telah djadi begitoe kalelap dengen amara, hingga salagi poetri kasi djawaban atas tjomelannja, ia lantas menampar moeka sang anak.
Bagimana Clémentine teroeroek dengen kasedihan di itoe masa, adalah membikin pena penoelis djadi poentoel aken melangkepken tjerita. Malaenkan kita bisa terangken pada pembatja, samandjak itoe koetika, poetri sabolehnja menjingkiri diri dari apa jang dikira boleh menerbiti tjidra,
