PENGHIDOEPAN RADJA BELGIE.
Djilid ka 5.
„Apa ia maoe maksoedken dengen berkata begitoe?" menggrěndĕng Caroline, dan dalem hati ia bersoempa, aken membales poetri poenja klakoean menghina.
Dan soempa itoe dipegang tegoe sekali oleh barones.
Dalem Munt-schouwburg di Brussel, Caroline ada mempoenja satoe loge, betoel berhadep hadepan dengen tempatnja kaoem koelawarga Sri Maha Radja. Saban malem, jang ia taoe Prinses Clémentine ada dateng menonton, ia poen lantas ambil tempat dalem ia poenja loge sendiri, dan samantara komedi bikin pertoendjoekan, tida brentinja ia awasi pada poetri dengen klakoean angkoe, aken terbiti rasa mendongkol, sedeng mistinja orang dapet kasenangan.
Sadari itoe waktoe, sabentar-bentar ada sadja hal jang menerbiti perbantahan antara poetri Sri Maha Radja jang aseli dan barones jang baroe didjelemaken. Begitoe
