— 323 —
dan menaoggoeng sendiri kadoekahan, jang tida dengen djalan patoet, orang soeda timpaken atas kapalanja.
Apa harga mendjadi poetri,
Kaloe s'lama misti di'ideri,
Dengen doeka jang menghoekoem diri?
Tapi, biar tiwas dibawa doeri,
Clémentine tida nanti bisa menahan hati, berada didekatnja Caroline Delacroix, janq seperti sangadja raaoe bikin ia mati. Maka itoe di boelan Februari 1905, poetri pergi ka Saint-Raphaël, dimana dalem kasoenjihan ia maoe tjoba loepaken kasedihan jang menindes hatinja.
Caroline poen tida teroes-meneroes tinggal di kota Laeken, hanja ikoet bersama-sama baginda pergi ka San Remo, Ballincourt, Corbeil, Villefranche, Nice dan banjak lagi laen-laen tempat. Dalem itoe perdjalanan di loear negri, baginda merasa lipat ganda lebi laloewasa dari di Belgie. Dari pendoedoek Heysel Barones de Vaughan banjak dapet godahan, sabaliknja di itoe tempat-tempat asing, ia tida pernah menerima soeatoe hina'an dari rahajat negri.
Tapi toch atjap kali Sri Maha Radja Leopold II masi pegang atoeran sabagi
