— 15 —
hingga achir-achir mendjadi dekat sekali dengen akoepoenja koeping . . . Akoe rasaken ia poenja tarikan napas, dan sa'antero toeboe djadi goemeter, tapi lebi dari itoe poen akoe tida bisa berboeat apa-apa lagi . . .
„Satelah itoe terdenger di koepingkoe, satoe soeara jang seram sekali, berbisik katanja; „Kaoe djadi permeisoeri, tapi kaoe tinggal djadi manoesia. Sabagi permeisoeri kaoe nanti ditjinta oleh sakalian rahajat negri, kerna kaoe nanti berboeat kabaekan, kaoe aken djadi satoe permeisoeri jang berboedi, sabagimana tida banjak laen-laen permeisoeri bisa lakoeken . . . Tapi seperti manoesia, kaoe aken tanggoeng banjak kamalaratan. Tida satoe kasoesahan nanti bisa terloepoet dari kaoe poenja diri! Diatas kaoe poenja astana adalah satoe matjem mega jang mengambang. Mega itoe achir-achir nanti membikin mendoeng, dan toeroeni oedjan katjilakahan jang haibat sekali atas kaoe poenja diri. Kaoe poenja roemah tangga ada terkoetoek, dan anak anakmoe tida nanti samboengi doedoek di tachta karadjahan . . . . .”
Bitjara sampe di sini, permeisoeri itoe berdiam sabagi boneka jang soeda tida tjoekoep kaki tangannja.
